گنج هائی که در قلب هستند ، قابل سرقت نیستند.
خانه » فرهنگ » چیستان ها » ترکی تاپماجا لار (۱)
6948 بازدید

ترکی تاپماجا لار (۱)

تاپماجا

۱ – آخشام اولددی قیریلدیق ، سحر آچیلدی دیریلدیک

۲ – او نه دی کی: ائلده دوغار اری یوخ؟

۳ – تاپ بو نه دی: بیر قوشوم وار آلا، بولا ، دیمدیگینه ساری بالا ، صور دودویون چالا چالا ، گئدیر جییار دعواسینا

۴ – ا و نه دی قانادی وار، پری یوخ

۵- او نه دی کی: اؤزی واردی باشی یوخ؟

۶- تاپ بو نه دی: هه گئدر، هو گئدر ، بیر قاریش یول گئدر

۷ – بیر ائوده دورد گلین ، دوردی ده بیر بویدا

۸ – تاپ بو ندی: ایکی داغ بیر-بیرین گورمز؟

۹- بئش قارداشیدی هامیسی کچل

۱۰- محکم دی داش دئییل
دورد قیشلی دی اینک دئییل
یومورتا دوغور تویوق دئییل

۱۱-او ندی کی قانادیندا خالی وار؟

۱۲- او نه دی کی، یئر آلیندا آینا گزر

۱۳- نه قیچی وار، نه کله سی ، قولی وار، قارنی جیریق؟

۱۴- یومورودی جویز دئییل ، ساری دی لیمو دئییل ، شمشیردی کسن دئییل ، شیری وار، یئین دئییل

۱۵- تاپ بو ندی تاپماجا ، قولاخلاری یاپباجا ، گوزلری پیالاجا ، آیاخلاری سیرفاجا 

۱۶- هامینی بئزر اؤزو لوت گزر

۱۷- او نه دی کی: یازدیقین اوخویانماز

۱۸- جیققلی حعفر،بل تپر؟۱

۱۹- باشی جهنم، وسطی بهشت، آلتی دنیز

۲۰- تاپ بو ندی : منن چیخدی، سنه گیردی؟!

۲۱ – او ندی کی : هم آغزینان ایچر، هم آغزیننان ایشر؟

۲۲- او ندی کی: اؤزو جوج جولدر، بالالارین باشینا یغار؟

۲۳- استانبول دامیننان دنه-دنه قار گلیر

۲۴- بیر باغ اوت توتماز، مین قویون توتار؟

۲۵- تاپ بو ندی: گئجه گونوز یول گئدر یورولماز؟

۲۶- او ندی کی: چکدیکجه قیسالار؟

۲۷- بیر آستانا، ایکی آستانا ، بوردان گئدر هنوستانا

۲۸- او ندی کی: یول اوسته، باغلی بوخچا؟

۲۹- تاپ بو ندی: یاش ووردوم، قورو چیخارتدیم؟!

۳۰- او نه دی: دام اوسته، ایت اؤلوسی؟

۳۱- تاپ بو ندی: نه یئرده دی، نه گویده، قندیلده دی (وسط) ،قندیلده؟

۳۲-او ندی داغدا تابیلدا، سودا شابیلدا؟

۳۳- گؤزیم گوره -گوره، گیردی قیچلاریوا؟!

۳۴- آنان جوته دی، آتان زیتدادی

۳۵-جیققلی بویی،دامجان تویی؟!

۳۶- بیزیم ائوده کندی وار ، کندینین کمندی وار ، گویده گئچن قوشلارین ، آیاغینین بندی وار

۳۷-قوتو قوتونون ایچینده ، قوتودا، قوتونون ایچینده ، اوغلانین بیگ دستمالی ، اودا قوتونون ایچینده؟

۳۸- او دوندی بالتا گورمه ییب ، اوندی دگیرمان گورمه ییب ، دوندی درزی گورمه ییب 

۳۹- سیچاندی جانی یوخدی ، پیشیکدن باکی یوخدی؟

۴۰- او نه دی آغاج قوتو دی ، ایچینده دورد قارداشی وار؟

۴۱- دام اوسته دلی درویش؟

۴۲- هنگلدر هونگولدر ، یئری یه بولمز ، دینگیلدر؟

۴۳- آتارام آتماز ، اوجو یئره باتماز ، آند ایچه رم پیادا گتمز؟

۴۴- او ندی کی: منده بیر، سنده ده بیر ، الله دا یوخ، پیغمبرده یئددی؟

۴۵- جانلی قاباخدا قاچیر ، جانسیز دالینجا قاچیر

۴۶-تاپ بو ندی: ووردوقجان شیشیر؟

۴۷- جانی وار، نفسی یوخ؟

۴۸-نفسی وار، جانی یوخ؟

۴۹- دده وه بیر قاریش، ننه وا کوپله مه؟!

۵۰- آغ بالیغیم سودا اوینار، آتیلار دوشر بیرده اوینار؟

۵۱- بیر حیواندی عمرنده، دوغماز؟

۵۲- دوه دابانی ، گزر اوبانی ، بیر ایاقی وار ، اوشده دابانی

۵۳- یاغیش یاغار،دامجی دامار ، دوه بالاسی کوشک اولار ، چاتی قیرلار دورت یاش اولار ، بونی تاپمیان ائششک اولار

۵۴- تاپ بو ندی: دیققلی قوپو، شیبیلدار سویو؟

۵۵- او نه دی کی: حققیلن باطیلین آراسی، دورد بارماقدی؟

۵۶- تاپ بو ندی: ساری دی جیران دئییل ، یازیلی دی، قرآن دئییل ، قاناتدی دی قوش دئییل ، بورنووزلی دی قوچ دئییل؟

۵۷- تاپ بو نه دی : باشی ورم باغلار ، دیبی کلم باغلار ، بالالارین یغار باشینا ، مرجان-مرجان آغلار

۵۸- من گئدیرم ایزی یوخ ، دره تپه دوزو یوخ ، هممه شه سودا اوینار ، دریسی وار، توکو یوخ

۵۹-بیر قوشوم وار اویون باز! ، اووویا گیرر چیخماز! ، ماللا بیر پیتیک یازار ، گوروم چیخار یا چیخماز؟

۶۰- یاتار یاتامماز ، دورار دورامماز ، بیر قریش گئتمه سه ، آدام گئدنمز

۶۱- قالانین دورد بیر یانی برج بدندی ، یاشیل آلدین، قیرمیزی بیچدین، او بس نه دندی؟

۶۲- داغین بو یانی بوخچی، اویانی بوخچی، وسطینده قوزو اتی؟

۶۳- داغین بویانی آغ پلو،اویانی آغ پلو، وسطی ساری پلو؟

۶۴- گئجه آغا، گوندوز نوکر

۶۵- داغلاردا یئل اسر گئدر ، سؤز دئمه میش کوسر گئدر

۶۶- او نه دی کی: بوش اولسا، ترپنمز ، دولو اولسا یول گئدر

۶۷- تاپ بو نه دی: من اؤلرم، او اؤلمز

۶۸- ائل یاتدی، قیچین اوزاتدی؟!

۶۹- تاپ بو نه دی زنجیر قیرار، چوخ پول ییغار؟

۷۰- او نه دی کی: بیر آتدی هامی اونو چاپاجاق؟

۷۱- بیر کوزه ده ایکی سو ، نه آق ساریا قاریشار ، نه ساری آغا قاریشار

۷۲- تاپ بو نه دی: بیر آتیم وار آت ائیلرم ، اؤلسه قیامت ائیلرم ، اتینین فایداسی یوخدو ، سویوننان خیرات ائیلرم
 
۷۳- تاپ بو نه دی: بیزیم ائوده بیر قویو وار ، ایچینده سرین سویو وار ، هر آدامین بیر هویو وار؟ 

۷۴- او نه دی کی: قوجوغا گوتورنده آغلار ، یئره قویسان اوغونار

۷۵- او نه دی کی: اوستو اکین بیچللر ، آلتدی چایدی ایچللر

۷۶- تاپ بو نه دی: بئش قول دی ، اوچونو گون توتماز ، ایکی سین توتار؟

۷۷- کر ساپی ، کرکی ساپی ، بیر طرفی کوتوهدی ، اونو شیرین بیلیر؟!

۷۸- بیر قوشوم وار سورمه لی ، دانیشار چوخ گولملی ، هرکیم اونو تاپماسا ، بیر جوت اؤپوش وئرمه لی

۷۹- تاپ بو نه دی: گون چیخاندا حرامدی ، گون باتاندا حلالدی

۸۰-اتی یوخدو قانی وار ، اونسوز دونیا سارالار

۸۱- قاردی کومور دئییل ، شیرین دی شکر دئییل ، ایچی چوب، اودون دئییل  ، مولامین یئمیشدی ، بو ماحال دا تاپلماز ، اوزاخ یئرلردن گلیر

۸۲- او نه دی کی: ایشیق سالدی تئز گئتدی ، هارای باسدی دیسگیدی

۸۳- تاپ بو نه دی: بیر پوتاغی بئش یارپاغی؟

۸۴- قلمه لیکده تولکو وار ، دیلیک- دیلیک بورکو وار

۸۵- بوش گئدر دولو گلر ، دولو گئدر بوش گلر

۸۶- اله یینه اون قویدوم، اورتاسینا قان قویدم

۸۷- آنا بیر قیز دوغدو ، نه آیاغی وار نه باشی ، قیز بیر آنا دوغدو ، هم آیاغی وار، هم باشی

۸۸- اتدن شیش، دمیردن کاباب

۸۹- آغ ساریدا، ساری سلطان اوتوور

۹۰- حیوان سویوندو، اینسان گئیندی

۹۱- یئددی ده لیک لی توخماق ، بونو بیلمه ین آخماق

۹۲- ال سیز ایاق سیز قاپی آچار

۹۳- من یاتارام، او یاتماز

۹۴- اوزون اوخ، کولگه سی یوخ

۹۵- الله دان قوخماز، جنت دن چیخماز

۹۶- بیر قیزیم وار، بیر گوزو وار

۹۷- ال سیز ایاق سیز، آغاجا چیخار

۹۸- آغ زمی ده، قارا قویون یایلیر

۹۹- اؤزو قازانار، ائله باغیشلار

۱۰۰-بیزیم ائوده دلی وار، تپه سینده گولو وار

۱۰۱- وارلی نین الینده، کاسیبین دیلینده

۱۰۲-ساللانار، گیرر،سولانار چیخار

۱۰۳- من آچارام،آنام دولدورار

۱۰۴- یاریم قاشیق،دووارا یاپیشیق

۱۰۵- عادله خانیم آتاندی ، اتک لری قاتاندی

۱۰۶-سودان گئچر ایسلانماز

۱۰۷- بوستاندا قارتال اتورور ، فاناتین اؤرتر اوتورور

۱۰۸- گویه گلیر خان کیمی ، مصیرلی سلطان کیمی ، سریلر حصیر کیمی ، سورونر اسیر کیمی 

۱۰۹- قاپیننی آچدی باغیردی قاچدی

۱۱۰- سودا بالیق، قویروغو یانیق

۱۱۱- ندیت ائتدی یاتماغا، قیامته قالماغا

۱۱۲- اذان اوخور ناماز قیلماز ، آرواد آلیر نکاح قیلماز

۱۱۳- باشین اوستونده، بورکون آلتیندا

۱۱۴- آق یولدا گئدر، قارا یول سالار

۱۱۵- تاپ بو نه دی: جامیش بالاسیندان بویوکدو

۱۱۶- آخشام باخدیم چوخودو ، سحر قالخدیم یوخودو

۱۱۷- قیللی آغزین آچدی ، چیلپاق ایچینه قاچدی

۱۱۸-الیم قدر اؤزو وار ، اوتوز ایکی گوزو وار

۱۱۹- بیر قاپاخلی ، چوخ یارپاخلی

۱۲۰- بیری ساغدیر بیری سول، آتدیم آتدیم آلیر یول

جوابلاری

۱- یوخو ۲- آغاج ۳- توفنگ ۴- کپه نک ۵- سوریه سوخولان قورد ۶-قاپی-کلیددان۷- بوجاقلار ۸- گوزلر ۹- بارماقلار ۱۰- تووسباغا ۱۱- کپه نک ۱۲- جوت۱۳- خوت ۱۴- اون شاهی ۱۵- دوه ۱۶- ایگنه ۱۷- قلم ۱۸- گزان- کورتوز- کاوار قاشیان ۱۹- قلیان ۲۰- سالام ۲۱- سهنگ(کوزه) ۲۲- ساماور۲۳-الک ۲۴- قاریشقا یوواسی۲۵- سو ۲۶- چوپوق-سیگار ۲۷- توستی ۲۸- مال پوخی ۲۹- چؤرک ۳۰- چیم-باجانین قاپاغی ۳۱- دام ۳۲-تفنگ -توخاش ۳۳- شالوار ۳۴-باشماق ۳۵- چیراغ ۳۶- توفنگ۳۷-یارپاق کلم ۳۸- اییده ۳۹- توروپ ۴۰- جویز ۴۱- دولو ۴۲- نهره۴۳- سهنک-کوزه ۴۴- نکته ۴۵- آت- آرابا ۴۶- پورسوخ ۴۷- آنانین قارنینداکی اوشاق ۴۸ سحر یئلی۴۹- ایاقلارین فاصله سی ناماز حالیندا ۵۰- پلو ۵۱- قاطیر ۵۲-ترازو ۵۳- جاوابی اؤزی دی ۵۴- گؤز۵۵-گؤز-قولاق ۵۶- آری ۵۷- ساماور ۵۸- قورباغا ۵۹- کلیددان ۶۰ – باشماق ۶۱- حنا ۶۲- دیش لر- دیل ۶۳- یومورتا ۶۴- بئل ۶۵- اویناشلی قیز ۶۶- باشماق۶۷- یاخجیلیق ۶۸- کلیددان ۶۹- پهلوان ۷۰- تابوت ۷۱- یومورتا۷۲- ساماور۷۳- پیله ته چیراغی ۷۴-زنجیر ۷۵- قویون ۷۶- بئش واخت ناماز ۷۷- اییده ۷۸- طوطی قوشی۷۹- اوروج ۸۰- یاغیش  ۸۱- قارا خورما ۸۲- ایلدیریم ۸۳- تک ال ۸۴- بوخچو ۸۵- قویو سطلی و قاشیق ۸۶-مانقال ایله اود ۸۷- یومورتا-تویوق ۸۸- بارماق ایله اوزوک ۸۹-یومورتا ۹۰- دری ۹۱- باش ۹۲- یئل ۹۳- اؤرک- دوشان ۹۴- سس ۹۵- اوشاق ۹۶- ایینه۹۷- سارماشیق ۹۸- قلم و کاغاذ ۹۹- آری۱۰۰- خوروز-لامپا ۱۰۱- پول ۱۰۲- قویو سطیلی۱۰۳- جیب ۱۰۴-قولاق ۱۰۵- یاپراق کلم ۱۰۶- کولگه ۱۰۷- یاپراق کلم ۱۰۸- قار۱۰۹- یئل ۱۱۰- شمع-لامپا ۱۱۱- اؤلو ۱۱۲- خوروز ۱۱۳- توک ۱۱۴- قلم ۱۱۵- جاوابی اؤزودو(( چونکی جامیش بالاسیندان بویوک اولار بوجور تاپماجالارا آلاتمادا دئییلیر)) ۱۱۶- اولدوزلار ۱۱۷- یون جوراب- آیاق ۱۱۸- چاریک ۱۱۹- دفتر ۱۲۰- آیاق

برچسب ها :
ایمیل شما آشکار نمی شود

نوشتن دیدگاه