آیا او (خدا) برای بنده اش کافی نیست؟ (قران کریم)
خانه » فرهنگ » چیستان ها » ترکی تاپماجا لار (۲)
1628 بازدید

ترکی تاپماجا لار (۲)

تاپماجا

ترکی تاپماجالار

تالالار ها تالالار تالایا یول سالالار ، نه ائرکیی نه دیشیسی بالالار : قاتیر
تاپ بو نَدی ، بیر پوتاغی ، بئش یارپاغی : تک اَل
تاپ بو ندی ، منن چیخدی ، سنه گیردی : آلقیش
تاپ بو ندی تاپیش ندی ، چاتلاغی وار یاپیش ندی ، اوستام توخور گوزَل پارچا ، گلین گورَک بو ایش ندی : یاماق
تاپ بو ندیر تانیش ندیر ، گول یارپاغا گوموشدور ، نَنه م توخویار چوخاسی توردور : هؤرومجک ، تورآتان تورو
تاپماجا ، تاپدیم باجا ، ایته وورسان ، ایتده قاچا : که سوو
تاپماجا ، تاپدیم باجا ، بیر بالا ساققالی قوجا : کئچی
تاپ تاپماجا ، آیاقلاری یاپماجا ، گؤزلری پیالاجا : دَوه
تاپ تاپماجا ، دالی قیللیجا : اَزگیل
تاپ تاپماجا ، قاب آلتداجا : کوفته ، پای
تاپ تاپماجا ، قاب آلتداجا ، یومورو بیچه ، چیت که سه : قونشو پایی
تاپ تاپماجا ، قولاخلاری یاپباجا ، گؤزلری پیالاجا ، آیاخلاری سیرفاجا : دَوه  
تاپ تاپماجا ، یاپ یاپباجا  ، ممه لی خوجا ، دیشلری یوخ : تویوق
تاپ تاپماجا ، یئر آلتداجا ، سامیر آلی ، ساققالی قوجا : سیچان
تاپیشیدیرم هوپوشدوروم ، چاتلاقیوا یاپیشدیریم : یاماق
تارتی دا چکیلمز ، بازاردا ساتیلماز ، بالدان شیرین دادی وار ، یئمک اولماز جانی وار : کورپه اوشاق
تارتی وار داری وار ، هر بیر بویادا بویاسی وار ، سالیب اوستونده اوتوررام ، ییغیب آغاجا ووررام : گبه
تاری دان آشاغی ، کیشیدَن اوجا : بؤرک ، پاپاق
تاری دان قوخماز ، اوچماق دان دویماز : اوشاق
تاخجادان دوشدو ، تاپ ایله دی ، گول چیچَک اونو هاپ ایله دی : سیچان ، پیشیک  
تاختا دمیر ، گاه اَییلیر ، گاه دوزه لیر : بیچاق
تاخیلسا گئدیر ، آچیلسا دورور : آیاق قابی ، باشماق
تای اوستونده قاراجا قول ، الینی وورما دالیدا دور : قیفیل
تولوق ایچینده آیران  : گؤز
تورپاق دئییل داش دئییل ، قورو دئییل یاش دئییل ، بوینوزو وار قوچ دئییل ، قانادی وار قوش دئییل : که پَنَک
توت آغاجی اوزو پرده ، بارماق گزَر پرده پرده ، گاه دَرینده گاه زیلینده ، آغلار آه آه دیلینده : تار
تویدا دویونده گزَر ، سَسی ائورنی بَزَر ، قابیرقاسی قات با قات ، گاه یاواش گاه بَرک گزَر : چالقی قورغوسی
تیکیشی یوخ ، قاتی یوخ : تولوق
تیققیر تیققیر اَزگیلر ، بیزه قوناق گلدیلر ، قویون کئچی یونوندن ائوه پالاز سَردیلر : کئچه
او آغاجدا یاشار ، قوزلا فیندیق داشییار ، قوی قوناق گلسین ، هر قیش اونو قوغاجییَم ، دئمه یین کی دَلیسَن  : دله ، پورسوق
اوْبادا سولومان ، کندده قارامان : ایت ، خوْروز
اوجا داغدان آلچاق داما اون اَلنر : قار
اوجا دامدان آلچاق داما قار یاغار : الک
اوجاقسیز بیشَن ندیر : پنیر
اوچان بیر قوش گرکدیر ، ایشی یامان کلکدیر ، دییرمانا جان وئریر ، خرمنده گرکدیر : کولک
اوچ باجی بیر بیرینی قووار : جوراب ایینه لری
اوچ باجیییق ، آلینی دلیک : چاتما ، قوشما
اوچ باجیییق اوچوموزونده باغری قارا : اوجاق داشلاری
اوچ بولاغی ، بیری شیرین بیری آجی ، او بیری شور : آغیز ، قولاق ، گؤز
اوچو بیزه یاغیدیر ، اوچو چیچَک باغیدیر ، اوچو ییغیب گتیرَر ، اوچو وورار داغیدار : ایلین دؤنملری
اوچ قول دی بیرینی گون توتماز ، ایکی سینی توتار : یئماق اوینه لری
اودا قویاندا اَرییَر ، سویا قویاندا دونار : موم
اوددا یانماز ، سودا باتماز ، یایدا اؤلر ، قیشدا دیریلر : بوز
اودوندی بالتا گؤرمَییب ، اوندی دگیرمان گؤرمَییب ، دوندی دَرزی گؤرمَییب : اییده
اودسوز اوجاقسیز ، من اونو یئدیم ، دیلسیز دوداقسیز : یئل
اودسوز اوجاقسیز ، قازاندا بیشَن ندیر : پنیر
اودسوز یانار ، قانادسیز اوچار ، آیاقسیز قاچار : گون ، یئل ، سو
اود سیز یانار : گونش
او هانسی بویاچیدی ، فیرچاسی یوخ بویاسی یوخ ، قورخماز قاردان کولکدَن ، قیشدا وورار گوزَل سیرمالار : شاختا ، سویوق
او هانسی بیردی ایکی اولماز ، او هانسی ایکیدی اوچ اولماز : تانری ، گئجه ، گوندوز
او هانسی جاندیر ، سَسی یوخدور ، قورباغا چیخماغا گؤنلو یوخدور : بالیق
او هانسی داغدی ، قاری اَریمَز : آغری داغی
او هانسی اوچ دی دؤرد اولماز ، او هانسی دؤرتدی بئش اولماز : دؤنم لر ، آی ایلین دؤنم لری
او گؤرمور سَحر چاغی ، چوخ ایتیدیر قایناغی ، گئجه لر قیریب چاتیر ، گوندوزلر دوشوب یاتیر : بایقوش
او کیمدیر ، یییَر ایچَر ، گؤزه گؤرونمَز : آنا قارنیندا اوشاق
اوْن آیاغی‌ وار ، اوچ باشی ، آغاجدان دایاغی : خیش ، کوتان
او نئجه ایلاندیر اود سئوَر ، کیمه وورسان دئشر گئچَر : شیش
او نه دیر ، آناسی گئدَر قاباقدا ، بالاسی گزَر دالیندا : آت بالاسی
او نه دیر ، آتامدا وار آدی یوخ : بورنون آلتی
او نه دیر ، آتارام ، تندیر آلتی قاتارام ، آغاجلاری ساتارام : ساپاند
او نه دیر ، بالدان شیرین ، آغی دان آجی : دیل
او نه دیر ، باشینی کسمَدَن یئریمَز : قارغی ، قامیش ، قلم
او نه دیر ، باشی یئردن شئه چَکر ، قول قانادی تنه کده اَسر : آغ تیرپ
اوْ نه ‌دیر ، بیر قیچی اوسته دوْلانیر : قاپی
او نه دیر ، بیر پکینچک دیر ، ائوده گزَر : ایت
او نه دیر ، دایانیب دیر دایاقسیز ، بویانیب دیر بویاقسیز : گؤی ، یئر
او نه دیر ، دریا کیمی بولانماز ، او اولماسا بوتون ائورن دولانماز : اورَک ، سئوگی
او نه دیر ، دیزلریندَن آسیلیر : قویون
او نه دیر ، ال وورسان قانی توکولر : قیرمیزی توت
او نه دیر ، گئدَر گئدَر گؤرونمَز : اوس ، سان ، دوشونجه
او نه دیر ، ایکیدیر هر جاندا ، اوچ اولار هر قاندا ، ساوسا گئتدیم گؤرمَدیم ، دیزماردا گؤردوم دوروب اوچ دانه ‌سی : نوقتا
او نه دیر ، ایلده دوغار آیاقسیز : ایلان
او نه دیر ، ایینه سیز ساپسیز چتیر توخویور ، چتیره دوشَن هئی اوخشایب اوخویور : تورآتان تورونا دوشَن
او نه دیر ، اَینی وار باشی یوخ  : یئر قوردو
او نه دیر ، اوزاغی یاخین ائیلر : اوس ، دوش ، یوخو
او نه دیر ، اوزاندیقجا قیسسالار : یاش
او نه دیر ، اؤزو آغ ، بالاسی ساری : سود ، یاغ
او نه دیر ، اؤزو باشینا دولانار : دییرمان
او نه دیر ، اؤزونه ایشلندیکجه قیسالار : چوبوق ، توتون
او نه دیر ، اؤزو وار کولگه سی یوخ : سو
او نه دیر ، قولاغیندان کسیلیر : ایت بالاسی
او نه دیر ، سَحر دؤرد ، گونورتا ایکی ، آخشام اوچ آیاقلی‌ اولور : هون ، کیشی یاشامی
او نه دیر ، سَنده‌ مَنده وار ، آدادا ائوده یوخ ، سؤزده وار ، بیرده اوچدَن چوخ اولمامیش ، سودا کیمسه گؤرمَمیش : نوقتا
او نه ‌دیر ، سوخار قاچار : آری
او نه دیر ، تولومو یوخ آتیشار ، آتیشاندا بیر بیرینه قاریشار : بولود
او نه دیر ، توخوم سوز بیتر : یئر آلماسی
او نه دیر ، واریدی یئمیشدیم ، یئمه سئدیم اولموشدوم ، ایندی اولسا یئمَرَم ، یئمه سمده اؤلمَرَم : آنا سودو
او نه دیر ، یئتمیش ایکی دیل بیلیر : قوپوز
او نه دیر ، یئمیشَم اؤلمه میشَم ، ایندیده وار یئمه رَم ، یئمه سمده اؤلمه رَم : آنا سوتو
اون اینگیم وار ، اونو تپل : دیرناق
اوووجدا دورماز ، داما گیرییر : ایشیق
اووونلاسان میریلدار ، سیغجالاسان خورولدار : پیشیک
اوراق اَیری ، قان قیرمیزی ، ایکی سئرچه نین دؤرد گؤزو ، دَوه بالاسی کوششک ، اونو تاپمییَن ائششک : آچمالار ایچینده
اوره گی قارا یاریق باشی ، گئدر گلر توکر یاشی : قامیش ، قارغی
اوره یی آسلان اوره یی ، اؤزون وورار اودلار : که پنک
اؤروشده گؤیدی ، ساتیشدا قارا ، ائوده قیرمیزی:  چای
اوْرتاسی اود ، یانلاری سو : ساماوا‌ر
اوستالار ها اوستالار ، ساغالسین خسته لر ، او نئجه قوشدور ، اوزو بوغار ساغین دسته لر : جَهره
اوستو داش دیر داش دئییل ، آلتی داش دیر داش دئییل ، ایلده بیر یومورتا قویور تویوق کیمی دئییل : توسباغا
اوستو کؤوشن (تارلا ، اَکین) بیچرلر ، آلتی بولاق ایچرلر : قویون
اوستو اوْددو پاریلدار ، آلتی سودو خاریلدار : قالیان
اوستو اوتدو بیچیلیر ، آلتی چایدی ایچیلیر : قویون
اوستو پالیم پالتاریم ، آلتی سویوم بولاغیم ، ایچی یئریم یئمه ییم : قویون
اوستو پولجیق ، ایچی قیلچیق : بالیق
اوستو ساری ، ایچی شکر ، ساری التار ، اورتادان یار : اَریک        
اوستو ساری چیت دیر ، ایچی شیرین شکردیر : شاماما
اوستی چیمن بیچمه لی ، آلتی بولاغ ایچمه لی : قویون
اوستی تاختا ، آلتی داش ، سککیر آیاق ، ایکی باش : وَل ، اؤکوزلر
اوشاقلیقدا آغ ساققال ، جاوانلیقدا آل ساققال ، قوجالیقدا قیر ساققال : بویورتکن
اوتایدا بورسلان نه دیر ، قویروغون قیسان ندیر ، بیر قویونو ییَنمَز ، قیرخینی قیران نه دیر : قورد ، جاناوار
اوتایدا دوروب بیر کیشی ، الینده تندیر شیشی ، سندَن بیر اَت ایسترم ، نه یایی گؤرَر ، نه قیشی : گؤبه لک
اوتایدان گئدن کیشی ، الینده دمیر شیشی ، دئییر منه بیر آت گؤندر ، نه ائرکک اولسون نه دیشی:  گه می
اوْتای قایا ، بوتای قایا ، اوْرتاسیندا دادلی پایا:  گؤز
اوتورموشدوم سککیده ، اوره‌ ییم سک سکه ‌ده ، گؤیدَن بیر آلما دوشدو ، بیر قیزیل نلبَکیده : گونش
اویانا قاچ ، بویانا قاچ ، ایچینده اودلا اوجاق : تندیر
اویان چَپَر ، بویان چپَر ، ایچینده آتلی چاپار : گؤز
اویان داش ، بویان داش ، ایچینده قیرخ اللی باش : یویونماق ائوی ، یوناق
اوْیان دووار ، بویان دووار ، اوْرتاسیندا آرا دووار : بورون
اویان کلک ، بویان کلک ، ایچینده بیر هرلنگج : دیشلر ، دیل  
اویان مینجیق ، بویان مینجیق ، ایچینده بولبول اوینار : دیشلر ، دیل
اویان پَرچین ، بویان پَرچین ، ایچینده وار گؤیرچین : یومورتا
اویان قالا ، بویان قالا ،  اورتاسیندا ساری مایا : یومورتا
اوْیان قالا ، بویان قالا ، یاش یاپیرام ، قورو چکیرم : تندیر ایله چؤرَک
اویان قایا ، بویان قایا ، ایچینده آغجا مایا : نئهره
اویان قایا ، بویان قایا ، ایچینده آتلی چاپار : یومورتا
اویان تاختا ، بویان تاختا ، شاققولو بیر اوتاقدا : توسباغا
اویان تاختا ، بویان تاختا ، یومورو بَی اوتاقدا : فیندیق ، قوسیق
اویانی آستی ، بویانی آستی ، دؤرد آیاغینی یئره باسدی : ساتور ، بالتا
اویانی ساری تاختا ، بویانی ساری تاختا ، اورتاسی اوزون یئملی تاختا : بادام
اویانی تاختا ، بویانی تاختا ، ایچینده آغجا مایا : نئهرده یاغ
اویدورموش ها اویدورموش ، چالاسیندا سو دورموش ، آچین سیزین قیللینی ، گلیر بیزیم قودورموش : بَربَر ، اولگوج ، توک
اویومامیش دَلمه ، دوشوب بوتون ائورنه ، اییرمی بیر گون ایچینده ، دیری دوشر ائورنه : جوجه
اوزادیم سَنه ، دادی مَنه : چوبوق چَکمک ، توتون چکمک
اوزاندیقجا قیسالار ، اؤزونه گؤره اوزوندور ، ایشلندیکجه قیسالار : چوبوق چَکمک ، توتون چکمک
اوزاقدا گؤردوم قارا قارا ، یاخیندا گؤردوم پارا پارا ، آغزیما قویدوم یامان شکر ، اَته گیمدَن توتوب چَکر : قوز ، گیرده کان
اوزاقدان باخار آغارار ، یاخین گئدَر باغیرار : دنیز ، دریا
اوزاقدان باخیرام یامان چوخ ، یاخینا گئدیرَم بیر ننک یوخ : چن ، دومان ، سیس
اوزاقدان باخیرسان قاراجادی ، یاخین گلیرسَن اؤلوجه دی ، بارماق سوخ گؤزونه دیریجه دی : قایچی ، قئیچی
اوزار اوزار یوز آغاج ، داللی بوداقلی آغاج ، بیر اوجو قاپیه باغلی : یول
اوزلویونده یونگول ، دَیَرده آغیر : اینجی ، قیزیل
اوزو آلا ، یئری تالا ، پارا پارا ، اوره یی قارا : لاله ، لالا
اوزو بیر بارماق ، ساققالی قیرخ بارماق ، اؤزو دمیردن ساققالی کندیردن : ایینه
اوزو بیر قاریش ، قویروغو اون بیر قاریش : قاشیق ، ایینه
اؤزو بیر قاریش ، ساققالی ایکی قاریش : خوروز
اؤزو بوردا ، ساققالی دامدا : توستو ، توسسی
اوزو دَریدن ، ساچی دمیردن ، بورون قولاغی شامدان : یهَر
اؤزو اَیری ، یولو دوز : کوتان ، جوت
اؤزو گئتدی ، سَسی قالدی : فیشنگ
اوزوم اوزوم ، یوللارا دوزوم : قاریشقا
اوزون آغاجی اووارلار ، باشینا پاپاق قویارلار : جیدا ، سونگو ، میزراق
اوزون باجی کوک باجی ، دومان باشینین تاجی : داغ
اوزون بویو وار ، ساری ساققالی وار : قامیش
اوزونجا قیز اوزاناز ، اؤزونه پالتار قازانار : یابا
اوزونجا قیز اوزانار ، یئددی گونده بیر بَزَنر : زیوه ، شریت
اؤزونه بیر ائو تیکر ، نه قاپی قویار نه باجا : باراما قوردو
اوزون گئدر بیر توکنمز یولو وار : چای ، آرخ ، سو
اوزون هوققال ، ساری ساققال : قارغی دالی
اوزونوم چوُخورووا : چکمه
اوزون اوخ ، کولگه سی یوخ : سَس
اوزون اوزون اوزانار ، نئچه گوندَن بیر بَزَنَر : شریت ، پالتار سَرمه ایپی
اوزون اوزون اوزانار ، اؤزونه کوینک قازانار : اوخلوو
اوزون اوزون اوزانار ، اوزونه ساققال قازانار : قامیش
اوزون اوزون اوزانمیش ، اوزانمیشا دایانمیش ، دایانمیشا بئش قَمیش ، بئش قَمیشَه قار یاغمیش ، قار یاغمیشا قان داممیش :
اوزون اوزون اوزانیر ، گلین کیمی بَزنیر : خورما آغاجی
اوزون اوزون اوزانیر ، هر ایلدن بیر بَزَنیر : ایلان
اوزون اووزن اوزانیر ، کولگه سی یوخ : آخار چای
اوزون اوزون قاییشلار ، بیر اوجو موغاندا ایشلر   :یول  
اوزون اوزون قمیشلر ، گئجه بیزه گلمیشلر ، دورمادان اوینامیشلار ، خورد و خمیر اولموشلار : اَریشته
اوزون اوزون سؤیودلر ، بئلی باغلی ایگیدلر : قارغی قومو
اوزون قامیش ، آغزیلا یاپیش ، اوستو دئشیک ، دالی دئشیک : توتک
اوزون قیز اوزانار ، اوزونه کوینک قازانار : قامیش
اوزون قیز اوزانار ، هر تانلار بَزَنر : سارماشق  
اوزون سوغدور یومورتا ، بولدور یای آییندا : قوهون ، یئمیش
اؤزو اؤزونه گؤم قازار : دامجی
اؤزو قارا ، سؤزو آغ : یازی کرپیج اوسته
اؤزو قازانار ، ائله باغیشلار : آری
اؤزو توکلو ، اوْندان اوْلان توک سوز ، اوْندان اوْلان توکلو : توْیوق ، جوجه
اؤزو یوخدور یانیمدا ، قوتوسو وار ائویمده ، باخیرام او قوتویا ، ائشیدیب گؤرورَم لاپ اؤزونو : گؤرونگچ ، گؤرونتو باغی
اؤز قانین اؤزو اَمر : ایشیق ، چیراق
اؤزی واردی ، باشی یوخ : سورویه سوخولان قورد
اؤزی واردی ، گؤنو یوخ : کؤلگه‌
وارلی نین الینده ، یوخسولون دیلینده : پول
وای دَده وای ، پاپاغیم آغاجدا قالدی : آغاجدا قورویوب قالان قوز قابیغی
ووردوقجان شیشیر:  پورسوق
ویزها ویزلا اوچان قوش ، چیچک اوسته اوچان قوش ، اؤزو اؤزونه قلبیر توخور ، ایچَریسینده بانیت توکور : آری
خان بالا ، ایشلتمه سَن آزالار ، ایشلتسَن چوخالار : بیلیم
خانیم اویاندی ، جاما دایاندی ، جام سیندی ، قانا بویاندی : نار
یاغا باسسان پوزولار ، داشا باسسان قیریلار : گوزگو ، آینا
یاغینی یالار آغلار ، قویروغونی بولار آغلار : چیراق ، ایشیق
یاغیش یاغاندا چیمَر یویونار ، یازدا گیینَر ، قیشدا سویونار : آغاج یاغیش یاغار یئر یاش اولار ، چاتی جیریلار گؤت باش اولار ، دَوه دوغار کوششک اولار ، اونو بیلمین ائششک اولار : اؤزو
یاغیش یاغسا سوزولر ، گون چیخاندا بوزولر ، چَکسم باغین اوزولر : چاریق
یالان ایپه ساریلماز ، آیاق توتسا یئریمَز ، مین ایل مین ایله قالسا ، یاخشی یامان چورومَز : پیس ، یاخشی  یانلاری سو ، اورتاسی اوْد : کؤمور ساماوار یارالغان (یارغان) اوسته ، دؤرد توتک : اینک امجه ‌یی
یاریم قاشیق ، دووارا یاپیشیق : قولاق
یاسسیجا یاتار ، یومورتا تؤکر : کونده سالان آرواد
یاش ووردوم ، قورو چیخارتدیم : چؤره ک
یاشیلدی اوستی ، ساریدی ایچی : بادام
یاشیلدیر قارادیر باشی ، توکولور گؤزون یاشی ، دالیندا ایکی قارداشی ، قاباغیندا آغ قاواراسی : قامیش ، بارماقلار ، کاغاز
یاشیل اکدیم آل قیرمیزی بیتدی ، ساچیم ساققالیم ایچدی : خینا ، هانا
یاشیل اوسته اوتوروب ، یاقوتا بَنزَر دؤشنیب ، باخاندا اؤزون گیزلتمیب ، الینی اوزاتسان قیلینجی باتیریب : قیزیل گول یاشیل تاغیم وار ، آل اوتاغیم ، گؤی پالتلاریمدا ، بوز قورشاغیم : قارپیز
یاشیل تاغیم وار ، آل قیرمیزی اوتاغیم ، بوز پالتاریمدا ، گؤی قورشاغیم : قارپیز
یاتاندا یومورو یاتار ، اَتین توختاقا ساتار ، کیم ایسته سه توتسون ، تیکانلاری الینه باتار : کیرپی
یاتار یاتامماز ، دورار دورامماز ، بیر قاریش گئتمَسه آتام گئدنمَز : باشماق
یاخشی گؤزل هامییا باخیر ، اوزونه باخانی یاندیریر یاخیر : گونش
یایدا آت اوینادار ، قیشدا دوشر قاپیلارا ، دیلنمَیه : قاریشقا
یایدا دونار ، قیشدا اَرییر : قورود ، قوروت
یایدا گئیینَر ، قیشدا سویونار : آغاج 
یایدا گلر ، قیشدا گئدَر : بوببو
یایدا ییغار ، قیشدا یییَر : قاریشقا
یازدا ییغار یئمه یینی ، چوخ سئوَر اوز امه یینی ، یییب یاتار یازادَک ، نه دیر آدی تاپین گؤرَک : قاریشقا
یازدیقین اوخویانماز : قلم ، قمیش ، دؤیجه
یازین گئیینر ، قیشین سویونار : آغاج یئددی دَلیکلی توخماق ، بونو بیلمه ین آخماق : باش
یئددی اوکوزوم وار ، دَریلریندَن بیر جوت چاریق چیخماز : قورباغا  
یئکه زاغدا اوتوز ایکی قوشونون بیر باشچی سی وار : آغیز ، دیشلر ، دیل
یئمیر ایشمیر گئجه گوندوز ایشلیر : چولا ، چاغ
یئر آلتدا چوللو قودوق : سوغان ، اؤلو
یئر آلتدا چوللو یاتار : سوغان
یئر آلتدا گوموش کمر : یئرآلتیندا آخان کهریز سویو یئر آلتدا کؤکلو دووشان : خیش یئر آلتدا قانلی کوپه : بینه ، چوغوندور یئر آلتدا ، قیزیل قامچی : ایلان یئر آلتدا یاغلی قئیش : ییلان ، ایلان
یئر آلتیندا آغلی کوت : پورسوق یئر آلتیندا آینا گئدَر : گووهان
یئر آلیندا آینا گزَر : جوت ، گووهان
یئر آلتیندا ائولری ، اَیری اَیری یوللاری ، نه اینجه دیر بئللری : قاریشقا
یئر آلتیندا گئدر ائولره : سیچان
یئر آلتیندا اوْخلوو گئدَر : ایلان
یئر آلتیندا قاز گئدر ، قاققیلدایار قاز گئدر ، کیمسه اونو تاپماسا ، یئددی ایل بوغاز گئدر : بیر تور یاشیل قوش
یئر آلتیندا ساری بیز : یئرکوکو یئر آلتیندا توکلو موْتال : سیچان
یئر آلتیندا یاغلی بویرَک : سیچان
یئر آلتیندا یان گئدر : گووهان
یئر آلتیندا یازا گئدیر : سو
یئر دَره ده دورموش ، دیش دیشه وورموش ، هامینی یئمیش ، آج گؤز اوتوموش : دییرمان
یئره ووردوم بالتانی ، آغزی گوموش قالخانی ، یئردن بیر اوغلان چیخدی ، بوتون یئر اوزونون جانی : سو ، بولاق
یئره ووردوم بالتانی ، کسدی قیزیل خالتانی ، یئردَن بیر اوغلان چیخدی ، یئرین گؤیون خانی : بوغدا
یئر اوزونون آغاجلارینین آناسی : تورپاق
یئر سولانار ، بیری ایچَر ، بیری بیچَر : اوت
یئری اویانا ، گل بویانا ، اوتوز ایکی دَنه چی ، بیر دییرمانچی : دیشلر ، دیل
یئریشی تاپپیر توپپور ، دیرناغی سککیز پارا : کوتان
یئرییَر کوپه ، یئریمَز کوپه ، مین ایل قالسا چورومَز کوپه : یاخشی آد
یئریینده تک قیچ ، دایاناندا اوچ قیچ : ال داشقاسی
یوک آلتدا ، قانلی کاسا : چوغوندور
یوک آلتدا یامان  یوماق : پیشیک یوک اوسته ، پارا فتیر : آی یولا خالچا دؤشه ‌لیدی ، بیر آنا‌دان یوز اوغول ، هامیسی بیر پئشه ‌لیدی : آری
یولجولار یولدا گئدر ، چالیشار گئجه گئدر ، بیر یومورتانین ایچینده ، قیرخ اَللی جوجه گئدر : نار
یولدان گلن کیمدی ، باشماغی نارینجیدی ، قولو وار یاپراقی یوخ ، بولسَن هانکی آغاجدی : مارال بوینوزو یول اوسته آسلان یاتیب ، قولاغین قیسیب یاتیب : پیشیک یول اوسته باغلی بوخجا : مال پوخو
یول اوسته بیر گلین اوتوروب ، گلن گئدَنی سوواریر : بولاق
یول اوسته چوللو قوْدوق : اؤلو
یول اوستده قارا قازان:  قاریشقا یول اوستده قازان قاینار : قاریشقا یول اوسته ، یاغلی قاییش (قئییش) : ایلان
یول اوستده یوغون آرواد:  تندیر
یول اوسته یوغون اوخلوو : کورامال یول اوسته یورغون قاتیر ، بیر دورماز گونده یاتیر : کؤرپو
یول ایچینده یوغون آی ، ایچینده اود یانار ، یاش وورار قورو چیخار ، اوشاقلار تاباغا ییغار : تندیر ، چؤرَک یومرودی قوز دئییل ، ساریدی سوغان دئییل ، قیلیشدی کسَن دئییل ، آسلانی وار یییَن دئییل : اون شاهی ، پول یومروغوم ییرتیغیوا : جیب
یومرو موتال ، ترسه یاتار : اؤلو
یومرو قیز ، اوبا گزَر : تارتی داشلاری یومرو تکر ، بارماغا کئچَر : اوزوک
یومرو توپوم ، سودا اوینار : گون
یومرو یئمیش ، چَرده یی ناخیش ، ایچی قیرمیزی ، ائشییی بوز : شافتالی
یومرو یومرو ساریدی ، یومرو گؤزو داریدی ، گزیر بیزیم باغچادا ، اوچ یئددیجه نین باریدی : جوجه
یومرو یومرو یوواسی ، یوز اللیدی بالاسی : نار
یومرو یومرو یوواسی ، یوز اللیدی بالاسی ، للم ائلین آشینا ، ائل توپلاشار باشینا : نار  
یونجا یئییب ، دوشمنه بوی اَیمییَن لر : تربیزلیلر
یوندوقجا یونولور ، گئدیکجه اوزانیر : قویو یوْنتالدیقجا ، ایشیقلانار : قویو
یوپ یومورو فیندیقچا ، ایچی دولو آل مینجیق : نار یوخاری گئتسه ، آشاغی گلمَز : یاش
زنجیر قیرار ، چوخ پول ییغار : پهلوان ، قارامان
زنگ زنگ ایچینده ، زنگ فیرنگ ایچینده ، نه گؤیده وار نه یئرده ، دوزو فیرنگ ایچینده : چولا
زیل زیلیم ، زینجیر کیلیم ، آغیردیر سیلکلیه بیلمیرَم : گؤی ، یئل

برچسب ها :
ایمیل شما آشکار نمی شود

نوشتن دیدگاه